Stopp prosessen! Få kontroll

Til Sunnfjord kommunestyre før møtet 31. oktober 2025

Vi som skriv under, krev at vidare arbeid med skulestruktur i Sunnfjord skjer på ein måte som byggjer tillit, sikrar kvalitet og tek utgangspunkt i at Sunnfjord er eit vekstsenter – ikkje ein kommune i tilbakegang.

Vedtak om felles ungdomsskule på Hafstad er gjort, men det er framleis tid til å sikre at investeringane skjer på eit fagleg og økonomisk forsvarleg grunnlag.

Innbyggarane reagerer på:

• Manglande medverknad frå innbyggarar, tilsette og elevar
• Uklare og motstridande økonomiske vurderingar
• At det blir planlagt for nedgang i ein kommune med stabil folkevekst
• Hastevedtak og planlagt hastegjennomføring som verkar heilt urealistisk

Vi krev:

1. At kvalitet og arbeidsmiljø for elevar og tilsette skal ha høgaste prioritet.
2. At det blir lagt fram ei samla, realistisk og dokumentert oversikt over kostnader, innsparingar og behov.
3. At alternative løysingar og bruk av eksisterande skular blir vurdert på nytt, slik at investeringane skjer på eit fagleg og økonomisk forsvarleg grunnlag.
4. At ombygging av skulane skal sikre eit skuletilbod som er minst like godt som dagens, og at det blir teke seg tid til å planleggje løysingar som står seg i minst 30 år. – Dersom kommunen ikkje har økonomi til dette no, må prosjektet vente til ein har råd.
5. At ventilasjonsanlegga blir oppgradert – rens av ventilar er ikkje godt nok.
6. At rekkefølgje og prioritering av skulebygg blir halden i tråd med økonomiplanen.
7. At innbyggarane får reell påverknad i den vidare prosessen.

Karoline J Vågsholm    Kontakt personen bak underskriftskampanjen