Ja til full utbygging av Saften

Utbygging og oppgradering av Saften har vore inne i økonomiplanen til Sogndal kommune i lang tid. I tillegg til gode arbeidsplassar for tilsette i kommunen, skulle dette sikre betre bibliotek, ny frivilligsentral, forbetra lokale for treningssenteret, nye lokale til ungdomstilbod og ei felles kantine og kafetilbod. No står alt utanom oppgradering av arbeidsplassane på spel.

Viss kommunestyret følger formannskapet si tilråding om å kutte i utbygginga av Saften, vil Leikanger miste eksisterande og framtidige kultur- og idrettstilbod. Når politikarane vurderer å kutte i tilbod som ungdomsklubb, bibliotek og kafé, oppfordrar vi dei til å ta eit steg tilbake og ta innover seg den store vinsten dette tiltaket vil gi samfunnet økonomisk i lang tid framover. Einsemd er ei av våre største folkehelseutfordringar. Meiningsfulle sosiale møteplassar er viktig for å bygge nettverk og førebygge utanforskap både for allereie etablerte, og for nye innbyggarar i bygda vår. 

Viss Saften ikkje blir realisert som planlagt, vil Leikanger bli ei mykje mindre attraktiv bygd å bu i!

Signer oppropet for å vise di støtte til full utbygging av Saften. 

Marte Lange Vik, Simone Stibbe mfl    Kontakt personen bak underskriftskampanjen